ٹیگز: کامیابی

صبر ہاتھ پر ہاتھ دھرے بیٹھ کر نتائج کا انتظار کرنے اور حادثوں کو برداشت کرتے رہنے کے معنی میں نہیں ہے، صبر کا مطلب ہے ثابت قدم رہنا، استقامت دکھانا اور اپنے صحیح اندازوں کو دشمنوں کے فریب اور دھوکا دھڑی کے ساتھ تبدیل نہ کرنا۔ چنانچہ اگر یہ ثابت قدمی اور استقامت، عقل و تدبیر اور باہمی مشورے کے ساتھ ہو، جیسا کہ قرآن میں آیا ہے:  اور ان کے (تمام) کام باہمی مشورے سے طے ہوتے ہیں۔ (سورۂ شوری، آیت نمبر 38) تو قطعی طور پر فتح و کامیابی نصیب ہوگی۔ امام خامنہ ای 22 مارچ 2020

29 ستمبر 2025

اگر انسان حقیقی معنوں میں خداوند متعال سے اپنی خطاؤں اور کوتاہیوں کی بخشش طلب کرے اور دل سے معافی مانگے تو خدائے متعال اس کا جواب دیتا ہے۔ دنیا کے مختلف میدانوں میں کامیابی کے لیے استغفار سے مدد لینا چاہیے، یعنی استغفار کے سلسلے میں ہماری نگاہ یہ نہیں ہونی چاہیے کہ صرف انفرادی گناہ کے سلسلے میں خود اپنے قلب پر لگے ہوئے گناہ کے دھبوں کو صاف کرنے کے لیے استغفار اور توبہ کرنا کافی ہے، جی نہیں!، استغفار قومی میدانوں میں بھی بڑے اجتماعی اور معاشرتی میدانوں میں فائدہ پہنچاتا ہے، اس کے اثرات مرتب ہوتے ہیں اور ہمیں بڑی توفیقات حاصل ہوتی ہیں۔ امام خامنہ ای 12 اپریل 2022

23 جولائی 2025

خداوند عالم نے اپنے پیغمبر کو دشمنیوں سے مقابلے کے لیے ایک لائحۂ عمل دیا ہے: اپنے خدا کے لیے صبر کیجیے۔ (سورۂ مدثر، آیت 7) صبر یعنی اپنے ان اہداف و مقاصد کے پیچھے لگے رہنا جو ہم نے اپنے لیے خود معین کیے ہیں۔ صبر کا مطلب پورے جذبے کے ساتھ آگے بڑھنا اور آگے بڑھتے جانا ہے۔ چنانچہ اگر یہ صبر و ثبات اور اپنی جگہ ڈٹے رہنا عقل و تدبیر اور مشورے کے ساتھ ہو، جیسا کہ قرآن کا حکم ہے: اور ان کے (تمام) کام باہمی مشورہ سے طے ہوتے ہیں۔ (سورۂ شوریٰ، آیت 38) تو یقیناً کامیابیاں نصیبب ہوں گی۔ امام خامنہ ای 22 مارچ 2020

23 جون 2025

ہمیں شک نہیں کہ "اِنَّ وَعدَ اللہ حَق"‌ اللہ کا وعدہ سچا ہے۔ جن لوگوں کو اللہ کے وعدے پر یقین نہیں ہوتا وہ اپنی بد گمانیوں سے آپ کو متزلزل نہ کر دیں، آپ کا ارادہ کمزور نہ کر دیں۔ ان شاء اللہ حتمی فتح جو زیادہ دور نہیں، فلسطین کے عوام اور فلسطین کی ہوگی۔ امام خامنہ ای 1 نومبر 2023

10 دسمبر 2024

اپنے بچوں کے ساتھ گھل مل کر رہیے۔ شریک زندگي سے مہربانی سے پیش آئیے اور اس سے تعاون کیجیے۔ یہ جو وہ گھریلو امور انجام دیتی ہیں، بچوں کی دیکھ بھال کرتی ہیں اور گھر کے ماحول کو صاف ستھرا بنائے رکھتی ہیں، یہ آپ کی کامیابی کے سب سے بڑے اسباب میں سے ہے۔ امام خامنہ ای 11 جون 2013

5 ستمبر 2024